password
Created time
Mar 10, 2025 07:10 AM
type
status
date
slug
summary
tags
category
icon
Last edited time
Mar 10, 2025 07:12 AM
對上一次既藥師法會 @enlightening_platform @buddolescent 開始了小小健康分享環節，同大家分享了「米氣」，但因為時間關係，只係分享咗好少但又好重要既部分，趁住暑假，決定好好咁分享下對米氣既睇法。
點解會分享呢個topic 呢？因為成日都會聽到各種減肥既方法都會叫大家唔好食飯（我都試過😂），或者聽到食飯就等於食糖落肚，好似只會係有害而無益，但人類食飯食咗幾千年🫣究竟係真係無益定你食錯飯阿？而東西方又係點睇呢件事？
氣字入面有個米字，係因為古人覺得要食米先有氣，而大米在《傷寒論》中更是經常我入作用藥，更有各種藥方配以稀粥、米粉、米醋、米酒等，可以見得出米能食亦能為藥。《黃帝內經》中提及：「五穀為養，五果為助，五畜為益，五菜為充」，米是將天地精華之氣帶到去身體，但依家市面上大部分既米，可能來自一年好幾造既田地大量生產，咁實際上塊地有幾多營養可以分俾咁多造既米呢？而你又食到幾多營養呢？
所以先從揀米入手，而節目有好多種，米其實都有好多種，例如白米就有分秈米、粳米同糯米，秈米屬南方米種，香港、泰國都以產秈米為主，香港本地會有絲苗、花腰仔、齊眉等米種，佢地一年只有1-2造，偏細長、橢圓，米氣滿滿！香港常見的粳米就有東北大米、珍珠米和日本米，佢哋偏細圓，而於經典真正入藥既米種就是粳米。
大米性味温甘，甘味入脾，脾胃又叫「倉廪」之官，好似你屋企個米缸，佢本身就係存放穀麥既地方，唔食啲米氣入肚，脾胃靠咩力量黎黎轉化呢？老生常談，病從口入，但民又以食為天，其實飲食從來都係生活當中重要的一環，但係我哋有幾認真花時間係飲食既部分？大米甘味既來源，來自口水中既消化酶，將澱粉質消化成細粒啲既多糖/麥芽糖，但都市人又會放幾多時間去咬一啖飯？可以成餐飯5-10分鐘就食哂，咁甘味又從何以來去補脾胃呢？
關於肥，你係真肥定假肥呢？肥查實都有好多原因，有一個最常見既就係脾虛。脾主四肢及肌肉，脾虛既人即使燒到少少脂都生唔到肉，無辦法加速新陳代謝，咁又點減肥？脾又主運化，簡單啲講就係你身體既摩打，摩打唔識郁，你食既野，飲既水，通通轉唔到成為養分，或者排唔走變成垃圾，積聚咁多垃圾宿便，都無辦法唔肥唔水腫吧～脾虛更有機會伴隨着無力、頭暈，特別怕熱汗多、胸悶胃脹等等 （下刪一萬字...）
好多人因為白飯🍚的升糖指數(GI)高，所以就覺得飯係萬惡之源，其實佢升糖指數高，係因為白米無左要消化得耐啲既穀殼層，愈少穀殼既部分，腸胃消化既速度會愈快，咁升糖指數就會愈高，其實亦因為咁，脾胃好虛弱既病人更適宜食白米，例如米水、稀粥等，減少脾胃既耗損。不過脫殼既白米亦都會無左包含所有營養既胚芽部分，如果脾胃尚算可以既朋友，胚芽珍珠米就更適合啦！脾胃更加好既人，更建議大家「溝米」，例如小米、糙米、紅米、黑米、野米等等都可以試下！亦都可以選擇各種米類嘅製品，米通粉、黑米奶、米粉、米紙、米餅等等。關於份量，又想減肥又想身體，一日可以有一餐係有米氣，而三餐當中早餐既時間係最好，可以在☀️陽氣滿滿既時候以米作藥，咁就日日都有Good morning ！💪🏼
其實佛學經典《摩訶僧衹律》中都有提到吃粥有十利：「一者色。 二者力。 三者壽。 四者樂。 五者詞清辯。 六者宿食除。 七者風除。 八者飢消。 九者渴消。 十者大小便調適。」米氣既力量真係不容忽視😌當日藥師法會湛遠師父 @tsam_yuen 的開示當中有談及食存五觀，而當中強調其中一點「為成道業，應受此食」是最能夠先應用到於日常生活當中，當我們食用食物的時候，可以思考一下食飯係為咗啲咩？好好照顧自己身體的同時，會唔會也可以用這副身軀為世界帶來更多美善🤍
希望大家都「嗅米氣」同好有「米」🤪從飲食中了解自己身體更多，以正念進食，用口腔每一個部分同口水去進食和感受米氣，以甘味去滋養身體，米氣滿滿！💃🏻