password
Created time
Feb 27, 2025 01:01 AM
type
status
date
slug
summary
tags
category
icon
Last edited time
May 29, 2025 01:35 PM
#小穎上廣州
實習Week 1［內科-心血管科］
第一星期過去了，實際上7成時間都係用緊中文去睇西醫學既範疇，而且並唔著重四診，亦唔似以前讀護士有完整既帶教prog/有routine可以跟住做，做住學。每日在住院部巡房、聽交更、跟門診，個腦就不斷將聽到既西藥、treatment plan，翻譯番做我識既文字同埋拎翻過往經驗去理解。
跟門診，大概就是最「中醫」既時刻，可以施針、四診、開中藥，當然有醫師的門診只是用作調教血壓藥，那一刻好似又回到香港既專科門診，亦都係因為咁既日常，激發咗好多我如何從中西醫學去理解同一個生病既人
「諸痛癢瘡，皆屬於心」— 《黃帝內經》
跟門診遇到一位姨姨，一入黎見到佢整個面容如同「苦瓜乾」，欲哭無淚，手腳無力，一坐低就軟攤在座位，「醫生，我成身都好痛好痛，完全訓唔到好辛苦，真係好痛」佢聲音非常細並帶住哭腔，面色青白。屋企人話已經痛咗成個星期，睇了西醫食止痛藥同情緒穩定既藥都無辦法處理身痛的問題
睇翻病歷，見到佢有長達9年既抑鬱症，抗抑鬱藥同安眠劑已經食到非常高的劑量。幫佢把脈時感覺到她全身都非常崩緊、身心交瘁、千瘡百孔。因為診症時間非常少，醫師快速開藥、施針，便送走了姨姨一家。
姨姨走後，一直對剛才既畫面揮之不去，總覺得可以有更好的治療，腦袋亦不斷思考，如果我係醫師，應該如何治療呢？「諸痛癢瘡，皆屬於心」內經內的一句說話浮現在我既腦海裏，是以往幫好友研究濕疹時觸動我的一句。
經中談及泛指各種疼痛、瘙癢、瘡瘍，皆與心這個臟腑有關，而這個心，和解剖學中的心臟並不等同。內經中談及，心屬火，為君主之官，主神明和血脈，而疼痛多與「不通則痛，不榮則痛」相關。
血脈就好似一條有彈性既水管，如果心火亢盛燒到水管，水管就會失去彈性，血流不暢順而痛。又或者焦慮、恐懼令到睡眠質素欠佳，心神不安，原本心負責提出指令，令血係水管內流動，令其流動既能量為之「氣」，心神不定就無法如常提出指令，氣就會亂，係水管內外周圍撞，就會痛。
當各種焦慮、恐懼、壓力未能好好處理，身體為了可以讓我們繼續勉強運作，又或者我哋既意志力已經超越了身體原本能夠承載，身體會用佢既方法將這些情緒暫時先好好包圍、收藏，等待我們有一日可以將其處理。但久而久之，一路收集既越來越多，令身體只能用痛、痕、麻、生瘡等等既方法，去提醒我們「係時候處理下啦！」
在生活當中，我們都可以抽時間去覺察這些身心既訊息，讓身心唔會過度承載（離苦得樂是也～）
［幫擾亂既氣機揾一個輸出的渠道］
- 嘗試以日記去代替藥物的依賴，記錄疼痛/瘙癢時既具體感受同情緒，而唔好立即食止痛藥，去觀察身體表達既訊息，身體從來都無打算同你對抗，而是一直幫助你、陪住你，把痛楚/癢（身體感覺）和苦（感受）分開
- 沿心包經拍打，即為手內側，由胸部沿中線拍打到手內側中線連至中指，過程放鬆全身，温柔地帶覺知到身體既感覺
［減少感官刺激，外守耳目，將精氣神內守，將心神安定］
- 設定使用手機時間的限制，Apple可以自定去限制某啲apps每日既時間用量，例如可以設計每日通訊&社交app只可以使用1小時，並且每天可以留1小時完全不使用電子產品，建議係一早起身張開眼睛到出門口前都不使用
- 一星期抽20分鐘時間到大自然環境走走，聆聽風聲、鳥鳴，以自然中的聲音去替代令身心焦慮崩緊的聲音
［減少心神消耗］
- 設定情緒邊界和列出關係中的能量分佈，在所有和你有接觸的人，覺察著和他們相處時自己的感受，並且對過到索求身心能量既人和事保留距離
- 留意「我必須要堅強」的思維迴路，生活上未必所有範疇既事情都需要由你去處理和協調，可以分清主次，選擇將能量放予對自己生命帶來更多正面影響、能實踐自身價值的事，將次要既事交予其他更專業、更適合既人
願我們都能夠安神定志，養好身心🤍